Iha Oin Taur Kontra Pensaun Vitalisia, Iha Kotuk Taur Husu 120 Mill ba Estadu

Eis Presidenti da Repúblika Taur Matan Ruak , atual Presidenti Partidu Libertação Popular (PLP) halo ona karta rekerementu ba Estadu liu husi Ministeriu Finansas hodi husu osan 120 mill atu hari nia escritoriu (kantor) nudar eis titular.

Rekerementu husu osan 120 mill ba tinan ida, no xefe gabineti ba kantor eis titular ne’emak Senhora Isabel Fereira kaben husik Eis Presidenti Republica Taur Matan Ruak.

Iha karta ne’e Taur Matan Ruak mos husu atu estadu aloka osan pensaun eis titulares nian ba fundasaun Ruak nebe harii rasik husi Taur Matan Ruak ho nia kaben Dona Isabel Fereira.

Realidade  hatudu saida mai povu ida ne’e, durante ne’e Taur Matan Ruak kontra makas lei pensaun vitalisia maibe goza nafatin privilijiu husi lei pensaun vitalisia.

Ezenplu, Eis Presidenti da Republika atual Presidenti PLP Taur Matan Ruak hetan eskoltu nebe ofrese husi estadu, Osan Pensaun Vitalisia ne’e estadu intrega ba nia,  mak nia aloka fali ba nia fundasaun Ruak hodi gere konta ba mai hanesan deit.

Ibun koalia kontra mais  Taur Matan Ruak promulga lei pensaun vitalisia no agora simu hela pensaun vitalisia, ida ne’e hatudu momos katak, Lohi Povu deit.